值得參加？

Camp ​

由於原定2020暑假泰國音樂交流及2021暑假澳洲歷奇音樂之旅因疫情下都相繼擱置, 所以唯有繼續留喺香港進行不同活動！

為什麼Miss Phoebe 每次堅持搞宿營, 而不是日營？
由自己到外國參加唔同workshop, course, camp 到2019年親自帶領學生到英國交流, 體會到學音樂/樂器不單只喺一對一。宿營可以將有同樣興趣嘅人聚埋一齊分享！學得到的一定比平時上堂多好多, 每次完成宿營的學生除了彈琴方面進步外(因為每日都安排練琴2-3小時), 各方面包括自理能力, 溝通合作都一次比一次進步, 當然都會有其他技能解鎖！而且日營要互相認識的時間實在太少..

宿營靈感從何以來？
就喺細細個參加童軍嘅時候！幾乎每個星期都宿營, 露營, 行山, 不同活動..自從全職教琴後就默默耕耘
眼見依家大部分小朋友就係拎住個電話, 既然自己有能力就想帶佢哋戶外出去玩！音樂只係其中的主題！

今次竟然挑戰4日3夜？
無錯！上兩次都是3日2夜, 其一考慮到成本要租屋/房以及搬琴, 其二活動會比之前多好多！其實玩得開心, 時間真係好快過！仲有就係家長可以放幾日假, 放心將小朋友交比我 :)

今次camp主題是什麼？
主要集中彈奏及表演技巧, 因為考試轉了演奏模式, 整體表演佔五份一。透過一些訓練及觀察可加強學生嘅表演能力, 適合嚟緊想考試嘅學生! 有機會邀請到演奏級嘅學生排練示範及擔當小導師！另外集體遊戲都會係今次重要的一個環節, 透過遊戲改善集中能力, 增加人與人之間的互動, 一卜齊放低電子產品, 享受群體生活的樂趣！(**二人同行, 每人減$300)

家長/學員feedback...
「第一次參加3日2夜, 擔心仔仔唔慣夜晚要接走佢, 最後竟然係呀仔問下次幾時再有得camp？」
「好玩！下次想留多一、兩日。」
「呀邊個邊個(之前見過某學生)冇嚟嘅？佢係度就會更加好笑！」
「想多啲活動, 練少啲琴」

​一邊學習同時一邊玩, 一定會喺好好嘅體驗同回憶！從未參加過camp嘅學生就趁機會玩一次啦！參加過嘅就可以與你哋嘅琴友相遇！
因為要預早訂營位, 所以有興趣請盡早通知🙏🏻 6人成團覆式屋 (只剩一間) , 3人成團租大房 (剩2間) , 如營地房間滿額未能成團會安排退款。 
你哋嘅參與喺我繼續堅持搞活動嘅最大動力！💪🏻